Inwaragawag ti Office of the Ombudsman nga imbestigaranda ti Davao City a maatap nga epicenter wenno sentro ti flood control projects.
Daytoy ket kalpasan a kinuwestionaran ti ACT Teachers Party-list Representative Antonio Tinio ni Ombudsman Jesus Crispin Remulla no adda ti ar-aramiden ti anti-graft body maipapan kadagiti anomalous flood control projects iti napalabas nga administrasion.
Sigun kenni Tinio, saan a nagrugi ti flood control corruption iti agdama nga adminisrasyon isu’t gapuna a kinuwestionaranna no maim-imbestigaran ti nalapabas nga administrayon.
Immanamong met ni Remulla a saan a nangrugi naanomalyaan a flood control iti agdama nga administrasion ken inkarina a sukimaten metlaeng ti Ombudsman dagiti dadduma a probinsiya.
Kabayatanna, binabalaw ni Davao City 1st District Representative Paolo Duterte ti alegasyon ni Remulla.
Sigun kenni Duterte, sakbay nga ideklarada ti Davao City kas ‘epicenter’ ti flood control corruption idi Duterte administrasion, kitaenda pay nga umuna ti mismo a records ti DPWH.
