--Ads--
Impasigurado ti Department of Agriculture (DA) nga umdas ti suplay dagiti agricultural products iti pagilian iti sumaruno nga 90 nga aldaw wenno agingga iti bulan ti Hunyo iti agdama a tawen.
Daytoy ket gapu pay laeng iti agtultuloy a tensyon idiay Middle East ken ti panagngato ti presyo ti produkto a petrolyo.
Sigun kenni Agriculture Secretary Francisco Tiu Laurel, Jr., awan ti agdama nga isyu a mabalin a makaapektar iti presyo dagiti basic needs pakairaman ti bagas.
Agtaltalinaed metlaeng nga umdas dagiti supply dagiti dadduma nga agricultural products kas iti mais, asukar, ken sibuyas, sigun iti nasao nga ahensya. //bombokcs
