Impakaammo ti Department of Foreign Affairs (DFA) nga awan ti Pilipino a nadangran idiay Lebanon iti tenga ti ngumatngato a bilang dagiti napapatay gapu iti panangatake ti Israel idiay.
Iti agdama, dumanonen iti agarup 1,200 ti nailista a nadangran no sadino adda mettenen iti maximum capacity dagiti ospital sadiay.
“The Embassy has activated its community monitoring mechanisms through Filipino community leaders and Area Coordinators, who have reported that their respective areas remain safe at this time,” sigun iti DFA.
“While many Filipinos are understandably shaken by the developments, no Filipino casualties or injuries have been reported so far. The Embassy continues to request regular updates from community representatives,” innayon pay daytoy.
Kinumpirmar met laeng ti Lebanese Ministry of Health nga awan ti foreign nationals ti nadangran wenno karaman iti casualties.
Nupay kasta, nagbalaag ti Philippine Embassy idiay Lebanon kadagiti Pilipino idiay nga agbalin a naridam, ken liklikkan ti umakar kadagiti nagduduma a pasdek nangnangruna kadagiti natatao a lugar.
Guyguyugoyen metlaeng ti embahada dagiti Pilipino nga alaenda ti gundaway a mang-avail iti repatriation program ken government cost bayat nga available pay laeng daytoy. //bombokaren.c.s
