--Ads--
Nagbalaak ti Department of Health (DOH) kadagiti posible nga epekto iti salun-at nga itunda ti ashfall manipud Bulkang Mayon a nang-apektar iti agarup 20 a babaranggay iti rehiyon ti Bicol.
Iti impablaak ti nasao nga ahensiya, impetteng ti nasao nga ahensiya dagiti mabalin nga aramiden dagiti residente kas iti panang-suot ti safety goggles, facemask, ken aatidog a kawes tapno maliklikan ti saan a nasayaat nga epekto ti ashfall.
Maipalagip a manipud idi Enero, impasidong ti Philippine Institute of Volcanology and Seismology (Phivolcs) ti Bulkang Mayon iti Alert Level 3 kalpasan nga naoberbaranda ti agtultuloy a magmatic unrest. // Bombo Karen Calpoe Sapirao
