Nagballaag ti Department of Health iti publiko tapno agannad kagiddan paylaeng ti panagraira dagiti nagduduma a sakit partikular ti malaria gapu iti epekto ti kinabara ti panawen.
Maibasar, iti kaudian a datos manipud iti Department of Health Research Institute for Tropical Medicine (RITM), nakailista dagitoy iti agarup 6,248 a kaso ti malaria iti Pilipinas no sadino nangatngato daytoy no idilig manipud iti 3,245 a kaso ti nasao a sakit idi 2022.
Gapu iti dayta, ad-adda ti panagmonitor ti nasao a departamento iti nasao a sakit partikular kadagiti lugar a nakailista ti nangato a kaso ti malaria.
Kabayatanna, kinuna ti World Health Organization a dagus nga agpacheck-up apaman a makarikna kadagitoy a sintomas kas ti pannaulaw, panagsakit ti ulo, panagsarwa ken dadduma pay.
