Nagballaag ni Department of Health Secretary Ted Herbosa iti publiko maipapan iti community transmission ti monkey pox nangruna ket nailista ti umuna a kaso daytoy iti pagilian.
Maibasar iti report, ti umuna a kaso ti monkey pox ita a tawen ket nailista idiay Metro Manila, daytoy ket 33-anyos a lalaki nga awan ti rekordna iti panagturong iti sabali a pagilian.
Gapu iti dayta, kinuna ni Herbosa a sigud nga adda ti nasao a virus iti pagilian nangruna ket nailista ti siyam a kaso ti mpox idi napalabas a tawen.
Agserbi met daytoy a ballaag iti tunggal maysa nga agannad nangruna ket saan nga “imported” a sakit daytoy.
Ti nasao a pasyente ket nakapasar iti fever, rashes iti rupa, likodan, ken nagduduma a paset ti bagi daytoy.
Iti agdama, maipatpatungpal ti contract tracing kadagiti kinalangen-langen ti nasao a pasyente tapno maprebentaran ti panagwaras ti nasao a sakit.
