Impakaammo ni Department of Health Spokesperson Assistance Secretary Albert Domingo a saanen a baro ti Nipah Virus iti pagilian a Pilipinas gapu ta naaddaan tayon ti 17 a kaso iti nasao a virus idiay Sultan Kudarat idi tawen 2014.
Innayunna a nupay saanen a napadasan ti nasao a virus manipud idi 2014, naka monitor latta ti nasao nga ahensiya babaen iti Epidemiology Bureau.
Nakumpirmar ti outbreak ti nasao a virus idiay West Bengal, India itay kanikadua no sadino ket lima ti nakumpirmar a kaso ti nasao a virus nga adda pay laeng iti kritikal a kondisyon agingga ita.
Impanamnama met ni Assistant Secretary Domingo a nakasagannan ti Department of Health kontra iti nasao a virus.
Ti Nipah Virus (NiV) ket maysa a zoonotic virus a mabalin a maiyakar babaen iti na-contaminate a makmakan ken babaen iti physical contact sigun iti World Health Organization.
Addaan daytoy iti 40%-75% a death rate ken kadawyan a simtomas na ket panagpanateng.
Alalukoyen met ni Assistant Secretary Domingo ti publiko a liklikanda dagiti ayop a panniki ken dadduma agsaksakit nga ayop . Innayunna pay nga agridam ti publiko iti panang-consume iti anyaman a klase ti karne. // Bombo Karen Calpoe Sapirao
