Inlawlawag manen ti Quezon City dagiti polisiya ti panag-rally para iti EDSA People Power Revolution Anniversary.
Iti impablaak dagitoy nga statement, dinakamatda a respetuenda ti karbengan ti publiko kas mailinya iti Public Assembly Act of 1985 ngem impettengna a kasapulan a mangisumitir dagiti organizers kadagiti written notice ken mangi-secure dagitoy iti permitda tapno naannayas ti koordinasyon, masigurado ti kinatalged dagiti makipaset ken maimanehar ti trapiko.
Innayonda a maysa kadagiti programa a pinalubosanda ket ti Trillion Peso March Movement.
Inlawlawagda metlaeng nga awan ti grupo a saanda a pinalubosan.
Kasapulan laeng nga agi-secureda ti permit tapno mapalubosanda.
Kalpasan daytoy iti panangdakamat ti grupo a Koalisyon Makabayan nga agtuloyda iti protestada, adda man wenno awan ti permit.
Nangiyanunsyo meten dagiti sumagmamano nga pagadalan iti suspension ti klase sadiay. //BomboKarenCalpoeSapirao
