--Ads--
Nagprotesta ti ginasgasot a tattao gapu iti panagngato ti presyo ti petrolyo sadiay pagilian a Syria.
Daytoy ket kalpasan nga inngato ti gobierno iti 40% ti presyo ti diesel bayat a ngimmato iti 28% ti presyo ti petrol.
Sigun kenni Syrian Energy Minister Mohammed al-Bashir, agpatpataud ti Syria iti 102,000 a bariles ti lana iti tunggal aldaw.
Nupay kasta, kurang daytoy iti 325,000 a bariles a kasapulanda iti inaldaw.
Gapu iti dayta, mangnamnama metlaeng dagitoy iti panagangkat iti lana manipud kadagiti dadduma a pagilian.
Iti baet dayta, impasigurado ti Ministry of Energy nga adalen dagitoy ti presyo ti world market.
