Binagaan ti mammanday-linteg ti Department of Tourism nga agbalin a naannad dagitoy iti panang-aramidda iti poster kas advertisement.
Kasaruno daytoy ti biddot a poster nga inaramid ti nasao nga ahensiya a naipaskil iti Ninoy Aquino International Airport itay nabiit a mangibagbaga a masarakan ti Banaue Rice Terraces iti probinsiya ti Benguet Province imbes nga iti probinsiya ti Ifugao.
Bayat ti Senate finance subcommittee hearing, dinakamat ni Senator Loren Legarda nga insingasing ti Department of Tourism ken ti attached agencies daytoy ti P3.394 billion para inton sumaruno a tawen.
Impeksa met Tourism Secretary Christina Frasco nga inikkatdan ti nasao a poster ken impanamnamana a saanen a maulit ti napasamak.
Innayon pay ni Tourism Assistant Secretary Gissela Marie Quisimbing, amin nga advertisements ti ahensiya ket maipaspasidong iti umno a proseso ken manamnama nga isumiterda daytoy iti Senate panel.
