Pinadawayan iti lokal a probinsia ti Kalinga ni His Excellency Most Reverend Charles John Brown, Doctor of Divinity, Apostolic Nuncio to the Philippines, iti titulo a “Son of Kalinga” ken naipaayan iti nagan iti Kalinga a “Tunggayok” kas pammigbig iti panagbisita ken pannakikaykaysana iti probinsia.
Kagiddan iti daytoy, naipaay kenkuana ti tradisional a Kalinga fabric ken “Lilay” kas simboliko a sagut.
Maysa a grand ceremonial welcome ti naisagana para kenkuana nu sadinno nabara daytoy nga inawat dagiti opisial iti Kalinga iti maysa a seremonia a naitampok iti nabaknang a kultura, hospitality, ken natibker a pammati kadagiti Kalinga.
Inawat daytoy dagiti opisial iti probinsia, kadua ti dadduma pay a lokal nga opisial ken dagiti dadaulo iti probinsya.
Nangisayangkat metlaeng iti arrival hours ti Kalinga Police Provincial Office.
Iti programa, naisayangkat ti namaris nga entrance, panagkanta iti Pambansang Awit, Pontifical Hymn, ken Kalinga Hymn, kasaruno dagiti mensahe manipod kadagiti opisial iti probinsia ken panag-perform iti kultura iti Kalinga babaen iti Dalupa Banga Dancers.
Nagyaman ni Archbishop Brown iti nabara a panangawat dagiti Kalinga ken impaganetgetna ti kinapateg iti Catholic church iti pammati, kultura, ken serbisio iti probinsia.
Naglpas ti programa babaen iti tradisional a sala a maaw-awagan iti Tachok, mangisimsimbolo iti panagkaykaysa ken panaggayem.
Simarungkar ni Apostolic Nuncio to the Philippines Archbishop Charles John Brown tapno agserbi a principal consecrator iti episcopal ordination ken installation ni Bishop-elect Sean B. Mejia kas maikatlo nga Apostolic Vicar idiay Tabuk City.
Naisayangkat ti seremonia iti St. William’s Cathedral, nu sadinno opisial a nadutukan ni Mejia iti baro a pagrebbenganna iti sangwanan dagiti opisial iti Catholic Church, dagiti padi, ken dagiti namati.
Ti panagsarungkar ni Archbishop Brown ket paset iti napateg nga okasion iti lokal a simbaan, a nangmarka iti panangpapigsa iti panangidaulo iti Apostolic Vicariate iti Tabuk.
