PHILIPPINES – Makipagtrabtrabaho ita ti Department of Trade and Industry (DTI) iti Bureau of Customs (BOC) seknan iti panagraira ti imported substandard ken bogus nga appliances a mailaklako iti online.
Sigun kenni Department of Trade and Industry Undersecretary Amanda Nograles, direkta a maipatpatulod dagiti appliances manipud iti foreign seller kadagiti consumer nu sadino daytoy ket panaglabsing iti pagannurotan ti ahensiya nu sadino dagti electric appliances ket nasken nga agaplikar ti Philippine Standard (PS) license wenno Import Commodity Clearance (ICC) sticker sakbay a mailako iti merkado.
Maibasar gamin iti datus dagitoy, duritso a sumrek iti Pilipinas ken sumrek kadagiti warehouse dagiti electrical appliance a magatang online ken duritso a maideliver daytoy kadagiti consumer uray saanen a masukimat.
Gapu iti dayta, kinuna ti ahensiya a kasapulan ti koordinasyon ken panakipagtrabahoda iti Bureau of Customs gapu ta saklawen ti mandatoda ti panagangkat kadagiti produkto manipud iti sabali a pagilian.
