BAGUIO CITY – Nakasaganan ti Department of Education (DepEd)-Baguio iti pannakaipatungpal ti Brigada Eskwela 2019 a maiyuswat sadiay Baguio Central School inton Mayo 20 ita tawen.
Sigun iti maysa nga opisyal ti Dep-Ed-Baguio, idi pay Disyembre ti napalabas a tawen a naplano dagiti aktibidad a maipatungpal kabayatan ti Brigada Eskwela.
Kinunana a naisuro kadagiti mannursuro nu anya ti aramiden dagitoy kabayatan ti Brigada Eskwela ken naipaganetget kadagitoy a kasapulan a nakasagana ti eskuelaan tapnu nasayaat ti panangrugi ti klase.
Sigun pay iti DepEd-Baguio, naurnos itan ti panagrugi ti klase gapu ta saanen a masapul nga agdalus dagiti estudiante iti umuna nga aldaw ti klase.
Kidkiddawen met laeng ti DepEd-Baguio ti pannakipaset dagiti kameng ti Parents Teachers Association, stakeholders ken private institutions iti Brigada Eskwela.
