Impaganetget ti Department of Education (DepEd) a kasapulan a mapasayaat ti literacy skills dagiti agad-adal iti nasapsapa a kas ti kindergarten tapno marisut ti makapaalarma a functional illiteracy kadagiti ubbing a Pilipino.
Sigun kenni Department of Education Assistant Secretary for Curriculum and Teaching Jerome Buenviaje, daytoy ket kas sungbat iti resulta ti 2024 functional literacy, education and mass media survey (FLEMMS) a nangibutaktak nga agarup 18 million junior high school graduates ket maikonkonsidera a “functionally illiterate.”
Maipalagip nga inyuswat ti Department of Education ti revised K-10 curriculum ti K-12 program.
Iti sidong ti recalibrated curriculum, nga adda itan iti phased implementation, naikkat ti bilang dagiti learning competencies iti 70% manipud agarup 11,700 agingga iti 3,600.
Kinnesayan metlaeng ti nasao nga ahensia ti bilang dagiti subjects nga adalaen dagiti learners.
Kasaruno ti pannakairuar ti resulta ti 2024 functional literacy, education and mass media survey (FLEMMS), impasigurado ni Department of Education Secretary Sonny Angara ti “commitment” dagitoy tapno maipasigurado nga iti tunggal agad-adal iti pagilian ket functionally literate.
