Impeksa ti depensa a respetuenda ti nagbalin a desisyon ti house prosecution a saanen a pagtestigoen ni Trillanes kas witness iti mannarimaan nga impeachment trial.
Sigun kenni Atty. Michael Poa, pannakangiwat ti , raemenda ti desisyon ti prosekusyon a mangwithdraw kadagiti testigo dagitoy.
Kabayatanna, inlawlawag met ni Trillanes a daytoy ti nagkiddaw iti prosekusyon nga iwithdrawda ti naganna manipud kadagiti testigo.
Impettengna a mangisayangkat laengen daytoy iti press briefing inton bigat, Oktubre 2 seknan iti mannarimaan a mataltalantan iti impeachment court.
Iti sabali a bangir, nagdesisyon met ti korte nga iyakar ti sumaruno a trial session inton Lunes, Oktobre 5 kalpasan a napatgan ti kiddaw ti depensa a napapaut a panawen para iti panagsagana para iti direct examination ni Anti-Money Laundering Council (AMLC) Executive Director Ronel Buenaventura.
Sigun kenni Poa, kasapulan ngamin a tingitingenda a nasayaat dagiti dokumento para iti agdama a kaso.
