Agsagsagna ti Bureau of Fire Protection- Baguio para iti manamnama nga isasangbay dagiti turista kagiddan ti Semana Santa wenno Holy Week.
Ti panakiuman ti Bombo Radyo kenni Sergeant James Ray Agnad, Senior Fire Officer II iti BFP-Baguio, addaandan iti deployment plan para iti Lakbay Alalay ken iti Ligtas SUMVAC (Summer Vacation) 2026.
Sigun kenni Agnad, naangay metlaeng ti coordinaion meeting kadwada ti Baguio City Police Office (BCPO),volunteers, ken daduma pay a maseknan nga opisina.
Gapu iti naipaiyulog a pammilin manipod iti national office dagitoy tapno makikaykaysa iti panagkonserba iti enerhiya, kinuna ni Agnad a malimitaran ti bilang dagiti ideployda.
Karaman kadagiti disso iti Baguio City a pagbantayan ti daduma a BFP personnels ti Panagbenga Park para iti motorists assistance kasta metten kadagiti sangwanan ti nagduduma nga istasyon daytoy para iti motorists assistance metlaeng ken panakaipaay ti first aid kadagiti agkasapulan.
Kabayatanna,imbinglay ti opisyal a kaadwan kadagti resrespondean dagitoy tunggal Semana Santa ket aksidente iti kalsada a kadawyan a pakairamramanan dagiti motorsiklo ken dagiti 4-wheel vehicles.//Bombo Rob Dominguez
