Nainget a nagpakdaar ti Bureau of Immigration (BI) a mabalin a maipasango iti denial of entry to the Philippines wenno deportation dagiti foreign nationals a nairaman iti bomb jokes.
Kasaruno daytoy ti insidente itay nabiit a nagresulta iti pannakataktak ti Japan-bound Philippine Airlines (PAL) flight PR412, no sadino nakaawat dagiti Airport authorities ti bomb threat call manipud iti saan a nabigbig a babai, a nagresulta iti panakaitantan ti flight a naikeddeng a pumanaw manipud Ninoy Aquino International Airport (NAIA) Terminal 1, iti las-ud ti lima nga oras.
Daytoy ti nangtignay kadagiti autoridad a mangibakwit kadagiti pasahero ken naaramid ti naan-anay a pannakasukimat ti eroplano para iti seguridad sakbay a na-clear para iti departure.
Sigun kenni Norman Tansingco, Commissioner ti Bureau of Immigration (BI), saan a tagtagilag-anen dagiti bomb jokes, nangruna kadagiti sensitive environments a kas kadagiti eropuerto airports.
Kabayatanna, innayon ti nasao nga opisyal nga agtalinaed a hospitable ti pagilian kadagiti ganggannaet, ngem para laeng kadagiti mangsursurot kadagiti linteg ti Pilipinas.
