Idagdagadag ni Deputy Minority Leader France Castro iti liderato ti House of Representatives nga agtignay iti reklamo nga impeachment kontra kenni Vice President Sara Duterte babaen ti panangipaay ti reklamo iti Office of Speaker Martin Romualdez para iti referral tapno maiturong iti justice panel.
Ti tallo gamin a reklamo nga impeachment a naipila kontra kenni Vice President Sara ket agtaltalinaed iti Office of Secretary General Reginald Velasco sipud idi Disiembre 2024.
Sigun kenni Castro, nu awan ti maur-uray a dadduma pay a reklamo ket rumbeng nga agtiganayen ti liderato ti House of Representatives gaputa patienna nga agur-uray dagiti tattao seknan iti “impeachmnet proceedings.”
Immunan a pinaglibakan ni Vice President Duterte a saanna nga inaramat ti pondo ti publiko iti saan a nasayaat a wagas ken mamati a ti impeachment ket maysa a political attack kontra kenkuana.
Kabayatanna, kinuna ni Castro a saan koma a makaapektar iti liderato ti House of Representatives iti immun-una a palawag ni President Ferdinand Marcos, Jr. a saanen a mai-pursue ti impeachment kontra kenni Vice President Sara.
Iti agdama, awan pay ti komento ni House Speaker Martin Romualdez seknan iti nasao a banag.
