BAGUIO CITY — Ur-urayen pay laeng ti Department of Agriculture (DA) – Cordillera ti sungbat ni Agriculture Secretary Emmanuel Piñol iti inyendorsoda a panaka-aramat ti paset ti Dairy Farm kas staging area dagiti basura ti siudad ti Baguio.
Sigun kenni DA – Cordillera regional director Narciso Edillo, no anyaman ti isungbat ni Secretary Piñol iti nasao a banag ket isu ti masurot.
Impettengna pay nga awan ti pakaseknan dagitoy iti parikut ti lokal a gobyerno ti Baguio iti panaka-aramat ti Dairy Farm kas temporaryo nga staging area dagiti basura ti siudad.
Kinunana nga kanito a makaawatda iti petisyon gapu iti panagbalin nga staging area dagiti basura ti nasao a disso ket awan ti mabalinanda.
Nupay kasta, agtalek daytoy a sinurot ti siudad dagiti pagalagadan sakbay daytoy nga inaramat ti nasao a lugar.
