Inwaragawag ti International Criminal Court sadiay The Hague, Netherlands a mai-livestreamed ti desisyon dagitoy iti apela nga interim release ni sigud a President Rodrigo Duterte inton bigat (Nobyembre 28, 2025) iti 5:30 iti malem (PH Time).
Ditoy met a pagdesisyonan ti tribunal ti kiddaw ti kampo ni Duterte no saan a maaprobaran daytoy wenno masukatan ti umana a ruling ken order conditions-na para iti interim release.
Ti nasao a proceedings ket mabuya livestreamed iti ICC website ken kadagiti social media dagitoy.
Kabayatanna, mabalin met a makipaset dagiti kameng ti diplomatic corps, NGOs ken journalists iti nasao a panagdengngeg la ketdi mangisumiter dagitoy iti valid passports, photo ID, valid press card ken dadduma pay iti main entrance iti korte sadiay The Hague.
Malaksid iti dayta, mabalin metlaeng a makipaset ti publiko iti daytoy ngem first-come, first-served basis laeng.
