Nagikkat ti puesto ni Information and Communications Technology (DICT) Secretary Ivan John Uy, nga inawat ni President Ferdinand “Bongbong” Marcos Jr., sigun iti Malacaรฑang.
Ni Uy ti maikatlo a secretary iti administrasion ni Marcos a nagikkat iti puesto manipod idi bulan ti Pebrero.
Karaman da sigud a Department of Transportation (DOTr) Jaime Bautista a sinuktan ni Vince Dizon, ken sigud a Presidential Communications Office (PCO) chief Cesar Chavez a sinuktan met ti sigud a broadcast journalist a ni Jay Ruiz.
Sigun kenni Palace Press Officer Undersecretary Atty. Claire Castro, dutukanda paylaeng ti maysa nga opisial nga incharge ti DICT agingga a makapili ni President Marcos iti opisial a baro a secretary iti nadakamat nga ahensia.
Awan pay ti nadakamat a rason ti panaglusolus ni Uy a nagbalin a secretary ti DICT idi paylaeng June 2022.
Itay laeng nabiit, naikkat iti puesto ni General Jesus Nelson Morales kas komander ti PSC, ken nadutokan ni Brigadier General Peter Burgonio kas acting commander.
