--Ads--
Imbinglay ni Department of Information and Communications Technology (DICT) Secretary Henry Aguda nga ikonkonsiderada ti pannangi-ban wenno panangiparit ti application a Telegram iti pagilian a Pilipinas gapu iti maatap a pannakaaramat daytoy iti pornograpiya ken scams.
Sigun kenni Aguda, mannarimaan ita ti pannakisarita ti nasao nga ahensiya kadagiti dadduma a networking platform tapno masolusyonanda ti online pornography, financial scams, ken deepfake contents.
Innayonna pay a makikokoordinarda metlaeng iti Philippine National Police (PNP) ken National Bureau of Investigation seknan iti nasao nga isyu nangnangruna iti mapapati a panagngato ti kaso ti financial scams iti pagilian. //BomboKCS
