Kikiddawen ni Senador Alan Peter Cayetano nga aramaten ti diplomasia ken dialogo iti baet ti tension iti nagbaetan dagiti pagilian tapno malapdan ti panagkaro dagiti tension.
Sigun kenni Cayetano, nalaka laeng nga ipakita dagiti opisyales ti gobierno ti kinatured no makilangen iti foreign affairs gaputa saanda a direkta a mapasaran ti epekto daytoy nga isyu iti inaldaw a panagbiag dagitoy.
Impaganetget pay ni Cayetano a rumbeng nga ipangpangruna ti Pilipinas ti bukodna a nasional nga interes iti pannakilangenna iti Estados Unidos ken China.
Innayon ti Senador a saan nga agbalin a pro-US, pro-China, anti-China ken anti-US no di ket agbalin kitdi a pro-Philippines.
Daytoy ket kasaruno ti tensyon iti nagbaetan ti pagilian a Pilipinas ket ti China.
