Diskwento kadagiti nasapa nga agbayad ti real property tax ditoy Baguio City, maipapaay

BAGUIO CITY – Mangipapaay ita ti City Treasury Office iti diskwento kadagiti indibidual a nasapa nga agbayad ti real property tax ditoy siudad ti Baguio.

Sigun kenni City Treasurer Alex Cabarrubias, 20 percent ti diskwento a maipaay kadagiti agbayad ita a bulan ti Enero.

Kinunana a 15 percent met ti diskwento dagiti agbayad inton sumaruno a bulan ti Pebrero ken 10 percent kadagiti agbayad inton Marso.

Innayonna a maipaayan met iti 10 percent a diskwento dagiti agbayad iti quarterly basis.

Kagiddan iti daytoy, ibalbalakad ni Cabarrubias ti dagus a panangbayad dagiti taxpayers iti pagrebbenganda iti gobierno tapnu maliklikan ti panakamulta dagitoy.