--Ads--
Kiniddaw ni dismissed Bamban, Tarlac mayor Alice Guo iti Department of Justice nga ibasura dagitoy dagiti kaso a naipila kontra kenkuana kas ti tax evasion, falsification ken graft complaints.
Personal metlaeng a nakipaset daytoy iti naangay a preliminary investigation ken ditoy nga impilana ti counter-affidavits daytoy iti tallo a reklamo a sangsanguenna.
Kinumpirmar daytoy ni Nicole Jamilla ti legal counsel ni Guo.
Kabayatanna, naituding met ti sumaruno a hearing daytoy iti umuna a lawas inton sumaruno a bulan.
Iti agdama, agtaltalinaed a nakabalud daytoy iti Pasig City Jail.
