Manamnama nga agturong dagiti maseknan nga opisyales ti Department of Migrant Workers (DMW) idiay Saudi Arabia tapno pagtatalantanan dagitoy dagiti saan a nabaybayadan a sweldo dagiti Overseas Filipino Workers (OFWs) a nagtrabaho kadagiti kamponya sadiay a nangideklara a nabankrupt kasaruno ti economic crisis idi 2015.
Sigun kenni Undersecretary Bernard Olalia, manamnama nga agturong dagitoy iti nasao a bulan iti agdama a bulan, bayat a manamnama a sumaruno ni Secretary Hans Leo Cacdac inton Hulyo.
Pakabuklan a 10,000 a claimants wenno dagiti sigud nga Overseas Filipino Workers (OFWs) idiay Saudi, ti agur-uray para iti backpay dagitoy kalpasan a narepartriate-da idi 2016 gapu iti financial crisis iti nasao a pagilian.
Immunan a nangipaay ti Saudi Arabia iti agarup 1,500 a cheke ngem adu pay dagiti saan a nakaawat iti backpay da.
Malaksid iti daytoy, manamnama metlaeng a mapagtatalantanan dagiti natalged ken transparent process para iti recruitment.
