Nakasagana ti Department of Migrant Workers (DMW) a mangi-repatriate kadagiti Pilipino manipod idiay Middle East kasaruno ti pablaak a heightened alert status gapu iti tension a mapaspasamak iti nagbaetan ti Israel ken Iran.
Kinuna ni Undersecretary Bernard Olalia a nakaalerto ti Department of Migrant Workers, Migrant Workers Offices (MWO) ken labor attachés para iti posible pay a mapasamak.
Nagpalagip ni Olalia kadagiti overseas Filipino workers (OFWs) ken ti pamiliada a naka-activate ti hotline ti nasao nga ahensia tapno mangipaay ti tulong kadagiti naapektaran.
Maibasar iti datos, dumanon iti agarup 20,000 nga Overseas Filipino Workers ti adda idiay Israel, mangmangged kas caregivers, hotel, agriculture, manufacturing workers, ken dadduma pay.
Maipalagip a nangrugi idi Biernes ti panagatake ti Israel nu sadinno, pinunitiria dagiti suldado ti Israel dagiti nuclear ken military facilities ti Iran.
