--Ads--
Nagballaag ti Department of Health (DOH) iti posible a panagado ti kaso ti Dengue intun Setiembre iti agdama a tawen.
Sigun iti nasao nga ahensia, posible a mapasamak daytoy gaputa umadani ti dengue season iti pagilian.
Maibasar iti datos manipud Hulio 13 agingga Hulio 26, nakailista ti DOH iti agarup 15,091 a kaso ti dengue.
Ngimmato daytoy iti 7 percent no idilig iti 14, 131 a kaso manipud Hunio 29 agingga Hulio 12, iti agdama a tawen.
Kabayatanna, kinuna ni Health Secretary Teodoro Herbosa a seasonal ti panagraira ti kaso ti Dengue no sadino, kadawyan a makailis-listada iti panagngato ti kaso iti bulan ti Setiembre agingga Nobiembre tunggal tawen.
