Nadismaya ti Department of Justice iti nagbalin a desisyon ti Timor-Leste Court of Appeal kalpasan a saanda a pinatgan ti extradition request dagitoy tapno maipasubli ni sigud a Negros Oriental Representative Arnolfo “Arnie” Teves Jr. iti Pilipinas para iti panagsangona kadagiti kaso daytoy a multiple murder.
Nasdaaw met ti Department of Justice gapu ta namindua a saan a pinatgan ti korte sadiay Timor Leste ti kiddawda nga extradition nga immunan a nakiddaw idi Hunyo tawen 2024 ken idi Disyembre tawen 2024.
Maipalagip a nairuar ti desisyon ti Timor-Leste a panakaisubli ni Teves Jr. idi Disyembre 2024 nupay kasta, immapela ti kampo ni Teves Jr., rason a saan daytoy a natuloy.
Kabayatanna, naragsakan ni Atty. Ferdinand Topacio iti kaudian a desisyon ti Timor-Leste Court of Appeal no sadino kinunana a daytoy ket “triumph of the rule of law.”
Maibasar iti ruling ti korte sadiay, saan a napatgan ti kiddaw ti Pilipinas gapu ta makitkita ti “inhuman, degrading ken cruel treatment” iti pagilian.
