--Ads--
Pormal nga insumitir ni Baguio City Mayor Benjamin Magalong dagiti dokumento pakairamanan dagiti photographs seknan kadagiti maatap a korupasyon kadagiti infrastructure projects, pakairamanan dagiti flood control projects.
Daytoy ket kinumpirmar ni Palace Press Officer Undersecretary Atty. Claire Castro.
Gapu iti dayta, immunan nga imbaga ni President Ferdinand ”Bongbong” Marcos Jr. a silulukat daytoy a pagtalantananda dagiti nasao nga impormasyon.
Impetteng met ni Mayor Magalong nga ur-urayenna laengen ti tawag ti kongreso kalpasan nga imbutaktakna nga adda dagiti sumagmamano a kongresista a nakaawat iti bayad manipud kadagiti infrastructure projects, pakairamanan dagiti flood control programs.
