Nagpalagip ti Department of Labor and Employment – Cordillera Administrative Region (DOLE-CAR) kadagiti employer seknan iti umno ken kanayunan a sueldo para kadagiti nagtrabaho ita a Martes, iti panangrambak iti Chinese New Year.
Sigun iti Labor Advisory 01-2026, ti Pebrero 17, 2026 ket maibilbilang a non-working holiday iti pagilian. Gapu iti dayta, dagiti empleyado a nagtrabaho iti nasao nga aldaw ket rumbeng a makaawat iti kanayunan a 30% iti basic wage para iti umuna a walo nga oras iti trabaho.
Innayonna pay a dagiti empleyado a nangged iti labes iti walo nga oras ket rumbeng metlaeng a makaawat iti kanayunan a 30% iti hourly rate.
Dagiti empleyado a naka-regular day off ngem nabilin nga agtrabaho ket rumbeng a makaawat iti 50% iti sueldo para iti walo nga oras iti trabaho.
Sigun iti advisory, ti pagalagadan a “no work, no pay” ket maisaysayangkat kadagiti empleyado a saan a nagtrabaho iti nasao nga aldaw.
