Nagbotosen ni sigud nga Estados Unidos President Donald Trump ken ti asawana a ni Melania Trump idiay Florida.
Sigun kenni Trump, “very confident” ti riknana kalpasan a nagbotos daytoy bayat a ni incumbent United States Vice President Kamala Harris ket nagbotos met babaen ti “mail” sakbay ti aldaw ti eleksion.
Impaganetget ni Trump a nu mapagasatan a maipatugaw iti White House, ti umuna nga aramidenna nga “order of business” ket ibaba ti cost of living dagiti tattao.
Kabayatanna, binallaagan ti Federal Bureau of Investigation dagiti Amerikano, nga adda iti dua a fake videos a mangar-aramat ti nagan ti ahensiya ken insignia, a mangitan-tandudo dagiti biddut nga impormasyon seknan iti eleksiyon.
Maysa met a bipartisan coalition a buklen ti 51 attorneys general iti intero nga US states and territories ti nangallukoy kadagiti tattao a pagtalinaeden a nakapia ken kondinaren iti bayolente nga aramid nga adda pakainaiganna iti eleksiyon.
