--Ads--
BAGUIO CITY – Natiliw ti maysa a drug personality iti buy-bust operation sadiay Betag, La Trinidad, Benguet idi kalman.
Nabigbig daytoy a ni Beroel Fianza Wasen alyas ‘Babot’, 27-anyos, driver, tubo ken residente ti Balakbak, Kapangan, Benguet.
Nakumpiskar kenkuana ti 12 a pakete ti maatap a shabu nga agdagsen ti 1.19 grams, ti naaramat a buy-bust money iti transaksion ken ti cellphone-na.
Kinuna ti pulisya a ni Wasen ket naisubli iti listaan kas High Value Individual.
Iti agdama, sumangsango daytoy iti kaso a panagabsing iti Comprehensive Dangerous Drug Act of 2002.
