--Ads--
BAGUIO CITY – Pimmusay ti maysa a driver kalpasan a napaltogan sadiay Barangay Monggoc, Pidigan, Abra idi rabii kalman.
Nabigbig daytoy a ni Christopher Frio Pasis, 46-anyos, baro, driver, ken agnanaed iti nasao a lugar.
Iti imbestigasyon dagiti pulis, nakamotorsiklo ti biktima ken daldalyasatenna ti paset ti Abra-Ilocos Sur Road manipud iti maysa a gasolinaan.
Bayat ti panagdalyasatna iti nasao a kalsada ket pinalpaltogan daytoy ti saan pay a nabigbig a suspek.
Naitaray ti biktima iti ospital sadiay Bangued, Abra ngem naideklara a dead on arrival.
Maim-imbestigaran metten ti pakabigbigan ken motibo ti suspek iti nasao a pammaltog.
