Impila ni Parañaque 2nd District Rep. Brian Yamsuan iti panagaramat iti baro a teknolohiya iti urban farming tapno mapapapigsa iti suplay, nasustansia ken nalaka a makan para iti komunidad.
Iti House Bill No. 9473, panggep daytoy a mangipaay iti permanente a programa ti gobyerno ti National Urban Agriculture and Peri-Agriculture Program (NUPAP) ken agitted iti pondo tapno siguradoen iti agtultuloy nga implementasyon daytoy.
Sigun kenni Yamsuan, mabalin a pagmulaan iti nateng dagiti bakante a lote iti barangay tapno makaaramid iti pagkakitaan babaen iti panaglako iti mula kadagiti karinderya ken tiendaan.
Insingasing metlaeng ni Yamsuan a makikoordinarda iti Department of Agriculture, Department of Trade and Industry, Department of Labor and Employment ken Technical Education ken Skills Development Authority para iti pondo, trabaho ken panagsagana iti barbaro a wagas iti panagmula.
Impettengna a saan a panggep iti urban farming a sukatan dagiti mannalon nu di ket nayunan dagiti addang iti gobierno tapno maisigurado iti seguridad iti makan.//Bombo Syra Calion
