Karaman ti kontrobersial a nagan a “Mary Grace Piattos” iti listaan dagiti testigo nga isango iti prosecution panel iti Kamara iti impeachment trial ni VP Sara Duterte, maibasar iti pre-trial brief.
Iti dokumento, sumango ni “Mary Grace Piattos” kas saksi tapno agtestigo seknan iti mapapati a panangawatna iti confidential funds.
Nagbalin a sentro iti kontroberisa ti nagan kalpasan a rimmuar kadagiti acknowledgment receipt iti confidential fund disbursements iti opisina ni Vice President Duterte kadagiti panagdengngeg iti Kamara idi 2024.
Nupay kasta, kinuna iti Philippine Statistics Authority nga awanan daytoy iti rekord iti pannakaiyanak, ipupusayna wenno dadduma pay a pakabigbigan para iti maysa a tao nga agnagan iti Mary Grace Piattos.
Karaman metlaeng dagiti nagan a rimmuar kadagiti resibo da Xiaomi Ocho, Kokoy Villamin, ken Milky Secuya.
Paset ni Piattos kadagiti testigo para iti Article 1 iti impeachment complaint, a mainaig iti mapapati a saan a nasayaat a panagaramat iti P612.5 milion a confidential funds ken dagiti kaso a graft, korapsyon, ken betrayal of public trust kontra iti Bise Presidente.
Kabayatanna, maisango metlaeng kas testigo ni Melchor Arthur Carandang para iti Article 2, nga adda pakainaigan iti mapapati a saan a mailawlawag a kinabaknang, saan nga umno a panangideklara iti SALN, ken agtultuloy nga interes iti negosio.
Manamnama a mangrugi ti impeachment trial iti Senado inton Hulio 6.
