Addan iti nasayaat a kasasaad ti trentay otso anyos a driver ti maysa a fortuner a lugan kalpasan a nabaliktad ti imanmanehona sadiay Asin Road, Baguio City ita nga aldaw.
Iti pannakiuman ti Bombo Radyo kenni Police Senior Master Sergeant (PSMS) Agosto Banganan, Investigator ti Police Station 1, kinunana a manarimaan ti panagdalyasat ti lugan sadiay San Luis – Asin road passerek iti maysa a subdivsion idi sumarsaruno ti maysa a kotse (chevrolet) nga imanmaneho ti trentay siete anyos a nangdungpar iti maysa pay a kotse.
Sigun kenni Banganan ken kadagiti witness a nakasarsaritada napartak unay ti panagpataray ti driver ti nakadungpar rason a napasamak ti nasao nga insidente.
Nagsinyas wenno nagsignal ti umuna a lugan a buntuganna ti patarayna tapno ag-overtake daytoy ngem saanen a nakasardeng ti driver rason a nadungpar ti kotse a nangitunda iti panagbaliktad daytoy.
Imbinglay ni Banganan a saan laeng a dagiti dua a lugan ti karaman iti daytoy ngem nairaman metlaeng ti maysa a jeep nga adda iti sangoda.
Nupay kasta, kinuna ni Banganan a nasettle metten dagitoy gapu ta kinuna ti driver ti nakadungpar a sagutenna amin a gastos ti panakarepair ti lugan a nadungparna ken ti minor damage ti jeep.
Kabayatanna, nagpalagip metlaeng daytoy kadagiti motorista nga agannad dagitoy ken saan da nga agapura nga agdrive no diket agi-inanus dagitoy nangruna nu nalipit ti kalsada.
Innayonna pay nga accident prone area daytoy gapu ta pasalog ti kalsada rason nga adu dagiti nadisdisgrasya sadiay.//Bombo Noveh Organo
