BAGUIO CITY – Nakemmeg ti maysa a drug personality iti drug buy-bust operation nga impatungpal ti Drug Enforcement Unit ti Baguio City PNP sadiay corner Tandang Sora, Camdas, Baguio City idi kalman.
Nabigbig daytoy a ni Joven Ediong Plomen, adda iti legal nga edad ken residente iti nasao a lugar.
Nakumpiskar manipud iti suspek ti dua a sachets a naglaon ti mapapati a shabu, P500 boddle money ken ti cellphone a naaramat iti transaksion.
Sumango ti suspek iti kaso a panaglabsing iti RA 9165 wenno ti Comprehensive Dangerous Drugs Act of 2002.
Kabayatanna, naamuan nga adda pay iti innem a drug-affected barangays iti siudad ti Baguio malaksid kadagiti naipaayan ti rekomendasyon manipod iti PDEA-Cordillera a nakitaan manen ti drug resurgence.
Sagudayen ti pagalagadan dagiti drug enforcement agencies a no saan nga agaksion ti maseknan a Barangay Anti-Drug Abuse Council ket misubli manen dagitoy kas drug-re-affected barangays.
