Agtaltalinaed a nakamonitor ti Department of Social Welfare and Development (DSWD) Field Office Cordillera Administrative Region (FO CAR) kadagiti posible nga epekto ti Habagat ken ti naglabas a Bagyong Inday.
Iti kaudian a datos ti nasao nga ahensya, awan pay laeng ti naireport a naapektaran a komunidad iti rehiyon Cordillera.
Agtaltalinaed met a naka Blue Alert dagitoy ken mannarimaan ti koordinasyonda kadagiti local government units tapno maamwanda a dagus ti sitwasyon dagiti komunidad iti rehiyon.
Kabayatanna, agtaltalianed latta dagiti preparedness activities nga isaysayangkat dagiti warehouse personnelda pakairamanan ti quality control, vacuum sealin, ken dadduma pay tapno masigurado nga adda dagiti nakasagan a maiwaras a relief kadagiti posible a maapektaran.
Maibasar metlaeng iti kaudian a datos dagitoy, adda ti agarup ₱105.09 million a gatad ti nakasagana a relief sources pakairamanan ti 87,409 Family Food Packs (FFPs), 19,897 non-food items (NFIs), ken 10,019 Ready-to-Eat Food (RTEF) packs. //bombokaren.c.sapirao
