--Ads--
BAGUIO CITY – Narekober ti dua nga unexploded ordnance (bomba) idiay Sitio Olingag, Taba-an Sur Tuba, Benguet idi kalman, Hunyo 10.
Sigun iti Tuba Municipal Police Station, nasarakan ti 50-anyos a mannalon, residente iti nasao a lugar dagiti nasao a bomba bayat ti panagtalon daytoy.
Dagus nga impakaammo-na kadagiti maseknan a pulisya gapu iti butengna a bumtak daytoy.
Nabigbig dagiti explosives kas projectile, hig explosive nu sadino maysa kadagitoy ket addaan paylaeng ti fuse.
Imet ti Tuba MPS ti nasao a bomba ken manamnama a maipaima iti Regional Explosive Canine Unit – Cordillera para iti umno a disposiyon.//Bombo Jez Lapizar
