Manarimaan paylaeng ti imbestigasyon ti panagbinnugbog dagiti dua a grupo dagiti menor de edad iti asideg ti entrance ti skating rink, sadiay Burnham Park, Baguio City idi July 11, 2025.
Naduktalan a sumagmamano kadagitoy ti agtawen iti 14-anyos ken 17-anyos.
Iti inisyal nga impormasyon, agarup sangapulo nga agtutubo ti karaman iti daytoy no sadino saan laeng nga umili iti siudad dagitoy no diket adda pay dagiti taga-La Trinidad, Benguet.
Nupay kasta, saan pay a nabigbig dagiti nasao nga agtutubo a karaman iti nasao nga insidente daytoy ket gaputa timmaray dagiti dadduma kadagitoy.
Awan met ti makuna a biktima ken suspek iti nasao nga insidente agsipud ta amin dagitoy ket nadangran ken nagdidinanog.
Kabayatanna, dua kadagitoy ti naiturn-over no sadino nagalada iti medical para iti kanayunan nga ebidensya a maaramat para iti imbestigasyon.
Nakasagana metten ti pannaka-irefer ti nasao a kaso iti Department of Social Welfare and Development.//Bombo Noveh Organo
