Bontoc, Mountain Province- Nadangran ti maysa a pasahero ti Izuzu Flexi Truck iti napasamak a panagregaay ti daga nga intunda ti Severe Tropical Storm “Nika” idiay Malitep, Balili, Bontoc, Mountain Province iti agarup 5:00 ti malem ita nga aldaw.
Nabigbig ti biktima a ni Mark Anthony Sabilala, 32-anyos, ken residente idiay Lanao Del Norte a nakaruar itan iti Bontoc General Hospital babaen ti panangipalubos ti attending physician kalpasan ti pannakatamingna.
Maibasar iti opisial a report a naipatulod iti Bombo Radyo Baguio, paturong ti Izuzu Flexi Truck ken ti Toyota Hi-ace idiay Sagada, Mountain Province idi kellaat a nargaay ti daga a rason ti pannakadangran ni Sabilala ken ti pannakadadael dagiti lugan.
Awan met ti naipadamag a nadangran kadagiti naglugan iti Toyota hi-ace.
Ti drayber ti Izuzu Flexi Truck ket nabigbig a ni Hernan Era, 35-anyos, ken residente idiay Lanao Del Norte bayat a ti pasaheros daytoy ket da Mark Anthony Sabilala, 32-anyos, residente iti Lanao Del Norte ken Lemuel Magna, 44-anyos, residente idiay Urdaneta, Pangasinan.
Ti drayber met ti Toyota Hi-ace ket ni Peter Doligas Kollalong manipod Balugan, Sagada bayat a dagiti pasaheros daytoy ket da Tony A. Bannawi, 68-anyos, mannalon, Peter C. Caligiw, 68-anyos, mannalon, Leonard K. Gaong , 69-anyos, mannalon, Diao G. Kipas, 46-anyos, mangmanggedi iti MOPRECO, Irene D. Anaban, 63-anyos, house wife, Remy D. Kollalong, 51-anyos, house wife, Dominga K. Bistoguey, 82-anyos, retired teacher, Angeline L. Bayangan, 35-anyos, mannalon, Mary B. Baani, 61-anyos, mannalon, . Rosa B. Galgala, 64-anyos, mannalon, ken Remy O. Kollalong, 54-anyos, mannalon.
Amin dagiti naglugan iti Toyota Hi-ace ket agnanaed idiay Balugan, Sagada, Mt. Province.
Kabayatanna, awan pay ti opisial a report nu mano ti gatad iti nadadael a lugan.
