Inaprubaran ti House Committee on Tourism dagiti gakat a mangisingsingasing iti pannakaikay ti travel tax kadagiti Pilipino nga agbibiyahe paruwar iti pagilian.
Indauloan ni Romblon Representative Eleandro Madrona ti panang-apruba ti innem a singasing, pakairamanan ti House Bill No. 7443 nga impila ni House Majority Leader ken Ilocos Norte Representative Ferdinand Alexander “Sandro” Marcos.
Nupay kasta, inlawlawag ti korte a kasapulan pay laeng a mangilatag ti nalawag ken long-term a sukat ti pundo para kadagiti ahensya nga mangnamnama iti travel tax collections.
Sigun iti opisyal, dakkel ti gatad nga agtataud iti travel tax isu’t gapu na a kasapulan a matarimaan ti kasukat ti mekanismo daytoy sakbay a maikat.
Iti gamin nasao a singasing, maikat ti mannarimaan nga P2,700 a singir para kadagiti first-class passengers ken P1,620 para met kadagiti economy travelers.
Naituding a maisumitir ti nasao a singasing iti House Committees on Ways and Means ken iti Appropriations para iti adadda a pannakatingiting daytoy. //BomboKCS
