Karaman ti dua a menor de edad kadagiti 34 a mammallot ti nakidnap ken mapapati a napapatay, sigun iti suspek a ni alias “Totoy.”
Kinumpirmar ni alias Totoy nga awan ti nakalasat kadagiti mammallot, pakairamanan ni Myson Ramos, 14-anyos, ken John Paul de Luna, 17-anyos, a mangmangged kas chicken feeders.
Naipadamag a simmurot ti dua a menor de edad kadagiti tallo a mapukpukaw a mammallot idiay Sta. Cruz, Laguna idi Disiembre a trenta, dis mil baente uno ngem saanen a nakasubli dagitoy.
Sigun iti maysa nga ikit ni Ramos, nakitugot ti kaanakanna a menor de edad gaputa kinunana a ti maalana a kuarta ket aramatenna iti baro a tawen para iti pamiliana.
Iti agdama, manarimaan ti imbestigasion ti Department of Justice babaen ti panangidaulo ni Justice Secretary Jesus Crispin Remulla iti pannakapukaw dagiti mammallot ken dagiti mapapati a napapatay.
