--Ads--
Pimmusay ti dua a hues ti Supreme Court ti Iran, a pagaammo a mangas-asikaso kadagiti “high-profile” a kaso.
Nabigbig dagiti biktima a ni Judge Mohammad Moghiseh ken Judge Ali Razini a beterano iti hustisia.
Sigun kadagiti otoridad, pinalpaltugan ida ti maysa nga indibidual a nangpadas a tummaray ngem nagpakamatay metlaeng kalpasan ti inaramidna.
Patien dagiti otoridad a naplano ti pammapatay ken awan ti makitada a rekord nga adda ti “pending” a kaso ti suspek.
Kinuna ni judiciary spokesperson Asghar Jahangir a malaksid kadagiti pimmusay, nadangran pay ti guwardiya iti panagatake.
Da Judge Moghiseh ken Judge Razini ket adun a dekada a nangidaulo ti korte.
