Kinumpirmar ti Department of Migrant Workers (DMW) a pimmusay ti dua a Pilipino a seafarer bayat a 12 ti nadangran gapu iti drone attack idiay Black Sea idiay Southern Ukraine.
Kinumpirmar daytoy ni Migrant Workers Secretary Hans Leo Cacdac ita nga aldaw.
Pimmusay ti umuna a seafarer idi Hulyo 6 bayat a pimmusay met ti maikadua a seafarer idi Hulyo 1.
Sigun iti report, impakaammo ti Ukrainian officials idi kalman a pinuntirya ti Russia ti maysa nga international cargo vessel idiay Black Sea a paset iti southern Ukraine no sadino pimmusay ti lima a crew members.
Pakabuklan met a bilang a 139 Filipino seafarers iti siyam a barko ti naapektaran gapu iti nasao a drone attack. Iti kaudian a damag, 124 kadagitoy ti agtaltalianed a natalged.
Impanamnama met ni Cacdac a mannarimaan itan ti koordinasyon ti ahensya kadagiti pappamilya dagiti naapektaran a seafarers tapno maasistaranda dagitoy. //bombokaren.c.sapirao
