--Ads--
Pimmusay ti maysa bayat nadangran ti tallo nga indibidual kalpasan a natamaan iti Russian drone ti National Academy of Sciences sadiay Kyiv, Ukraine idi Lunes, September 28.
Sigun kenni Kyiv Mayor Vitali Klitschko, agpapaimbag itan iti ospital dagiti nadangran.
Sigun kadagiti otoridad, nauram ti pasdek isu’t gapuna a dadduma nga empleyado ti rimmuar babaen iti tawa.
Kabayatanna, nabombaan metlaeng ti maysa a pribado a medical center a nakatayan ti maysa nga indibidual.
Paset daytoy ti agsasaruno a panangraut ti Russia iti missile ken drone iti Kyiv a nakadadaelan dagiti pasdek, opisina, bodega, ken data center.
