Nangrugin ti pannakaoperationalized dagiti nagduduma nga aktibidad ti Itogon Water District (IWD).
Iti pannakiuman ti Bombo Newsteam kenni ENGR ERNANI S. PIS-OY, General Manager iti Itogon Water District, nabayagen a nabukel ti nasao a water district ngem ita laeng a marugyan ti operasyon daytoy.
Sigun kenni Pis-oy, adda ti dua a proyekto a manarimaan nga as-asikasuwen dagitoy- umuna ket ti pannakarehabilitate ti water system ken pannakaikabil dagiti barrels ken pipes sadiay Ampucao wenno ti Bisolak Water Supply System ken ti maikadua ket idiay Mohawk, Tuding, Itogon, Benguet no sadinno manarimaan metten iti water testing.
Imbinglay ti opisyal nga aktibo met a tumultulong ti La Trinidad Water District tapno marugianda metten ti mangsupply iti danum kas panagsaganada metlaengen iti posible a nakaro nga epekto ti Super El Nino.
Innayon ni Pis-oy a napintas a water source ti Sitio Mohaw nupay kasla nalibeg ken binmagsak daytoy iti tallo a test kas iti PH Level, Turbidity, ken Total Dissolved Solids (TDS).
Iti baet dayta, impeksa ni Pis-oy a mabalin latta a maipasidung daytoy iti water treatment tapno agbalin daytoy a natalged para iti human consumption.
Nupay kasta, kinuna ni Pis-oy a maysa kadagit parikut a sangsangwenda idiay Mahawk ket ti pannakaisimpa ti three phase current ngem impanamnamana met nga asikasuenda daytoy.
Impeksa ti nasao nga opisyal nga addu dagiti pagtaengan ti masuplayan ti nasao a proyekto iti kanito a malpas daytoy.
Nupay kasta, inlawlawagna a maipangpangruna dagiti residente nga agindeg iti pagtataudan ti suplay ti danum sakbay a maidanon daytoy kadagiti dadduma a babbarangay.
Dagiti nabigbig a barangay a mabalin a masuplayan dagiti dua a water source ket idiay Barangay Ampucao, Tuding, Ucab, Virac, ken Loacan.
Mainaig ti dayta, sigun kadagiti sumagmamano a residente sadiay Itogon a kadawyan a source ti danumda ket babaen kadagiti water deliveries nga agtataud pay nu daduma iti syudad ti Baguio.
Impeksa met ni Pis-oy a maysa kadagiti kabaknangan iti source of water ket iti munisipyo ti Itogon nu pay kasta parikut nu kasanu nga idevelop ken iturung daytot iti komunidad.
Kabayatanna, nangipatungpal ti Itogon Water District iti public consultation maipapan iti singasing nga initial water rates kas paset iti requirements tapno mabalinen dagitoy nga agilako iti danum.
Adtoy ti Itogon Water District Proposed Initial Water Rates:
Awan met ti nagbalin a parikut iti public consultation gapu ta inmannugotda iti proposed initial water rates malaksid laeng nga adda iti saludsod nu maipaayan iti discount dagiti senior citizens.
Impeksa met dagiti otoridad nga adda iti 5% discount kadakuada lakitdi nakanagan daytoy iti mismo a senior citizen. // via Bombo Noveh Organo
