BAGUIO CITY – Naipaayan ti notice of violation dagiti dua a pwesto iti Baguio City Public Market gapu iti panaglakoda kadagiti pasalubong items nga awanan ti umno a label.
Sigun kenni DTI Baguio-Benguet Consumer Protection Division Officer In-Charge Ralph Altiyen, naidanon kadakuada daytoy rason a nangipatungpalda ti operasyon kadwada ti Food and Drugs Administration ken City Market Division iti City Treasury.
Naduktalan a saan a maitunos dagiti produkto iti mandatory labeling requirements.
Awan ti nakasurat a nagan ti manufacturer, net weight ken address nu sadino panaglabsing daytoy iti Republic Act No. 7394 wenno ti Consumer Act of the Philippines partikular ti Article 77-79.
Gapu iti daytoy, impalagip manen ni Altiyen kadagiti vendor ti panagtulnogda iti labeling requirements tapno maipanamnama a natalged daytoy para kadagiti consumers.
