Manamnama a dua agingga tallo a bagyo ti sumrek iti Philippine Area of Responsibility ita a bulan ti Agosto, sigun iti weather bureau.
Sigun kenni Obed Badrina, maysa a weather specialist, dua ti sinumrek a bagyo iti pagilian idi napalabas a bulan, daytoy ket ti bagyo a Butchoy ken Carina bayat ita a bulan ket posible a dua agingga tallo a bagyo ti sumrek.
Maibasar iti patta-patta ti Philippine Atmospheric, Geophysical and Astronomical Services Administration (PAGASA), posible a sangapulo ket tallo agingga sangapulo ket walo a bagyo ti sumrek a bagyo iti pagilian ita a tawen, nababbaba nu idilig iti sangapulo ket siyam agingga dua pulo a bagyo a sumsumrek tunggal tawen.
Immuna met nga indeklara ti nasao nga ahensya ti panagtutudo idi Mayo 29, 2024.
